ஸ்ரீ ராமஜயம்            

சீதம்மா ராமைய்யா

என்ன ஆளாக்கின சாமியையா

அழகையே காட்டி ஆனந்தம் தந்தே

வந்து கொஞ்சம் பாருமையா

கல்ல பெண்ணாக்கிபுட்ட

வில்லெல்லாம் வளச்சிப்புட்ட

கல்யாணம் பண்ணின சீதம்மாவோட

என்ன கொஞ்சம் பாருமையா

அயோத்தியில் நீ பொறந்தே 

காடெல்லாம் நீ திரிஞ்சே 

கேட்டதெல்லாம் தரும் சாமி 

வந்து கொஞ்சம் பாருமையா 

அரக்கிய அழிச்சுப்புட்ட 

பழம் வாங்கி சாப்பிட்டே 

எங்கிட்ட ஏதுமில்ல 

என்னையே தாரேன் ஏத்துக்கையா 

பறவைய பரலோகம் அனுப்பிட்ட

காக்காய காப்பாத்திப்புட்ட

குறங்கெல்லாம் கட்டிண்டே

என்ன கொஞ்சம் சேத்துக்கையா

ஏழு மரம் அடிச்சுப்புட்ட

ஏழு பேர சேத்துக்கிட்ட

ஏதும் பண்ணத்தெரியாத

இந்த ஏழையை பாருமையா 

அரக்கன அழிச்சுப்புட்ட

அன்னைய காப்பாத்திப்புட்ட

கஷ்டமெல்லாம் போக்கி

காத்தருள வேணுமையா

சீதம்மா ராமைய்யா

என்ன ஆளாக்கின சாமியையா

அழகையே காட்டி ஆனந்தம் தந்தே

வந்து கொஞ்சம் பாருமையா

              ஜயஸ்ரீராம்              

Ask Thou Shall be Given

ஸ்ரீராமஜயம் 

கேட்டதும்  கொடுப்பவன் 

கேட்டதும் கொடுப்பவனே கோதண்டபாணி 

சீதையின் நாயகனே சீதாராமா 

நீ உள்ள சன்னதியில் நின்றால் போதும் 

நிம்மதி தந்திடுவாய் நின்மலனே                           -     கேட்டதும் .....

வேதம் ஒன்றும் கற்றதில்லை வேதராமா 

வாழும் வகை தெரியவில்லை 

கோயிலில் குடிபுகுந்தாய் கோவிந்தா 

என் மனத்தினில் புகுந்திடுவாய் பட்டாபிராமா -    கேட்டதும் ....

தனுர்பங்கம் செய்தாய் கல்யாணராமா 

தந்தை சொல் தட்டவில்லை 

அரக்கர்களை அழித்தாய் ஆரண்யத்தில் 

அகக்கண்ணை அளித்திடுவாய் அயோத்திராமா -  கேட்டதும் ....

வேடுவ சோதரனே தாசரதி 

வானர மித்திரனே 

ராவணனை அழித்தாய் ஏழு நாளில் 

எங்களை ரக்ஷிப்பாய் எப்பொழுதும்                           -  கேட்டதும் ...

ராமதாசன் 

Hethiraja SampathKumaran

NAMMAAZHWAR MOKSHAM @ SRIRANGAM

HARI OM

ஸ்ரீராமஜயம் 

அரியை அறிவோம் 

அரியை அறியும் அறிவில்லை 

அருள்வாய் அராவமுதமே 

ஆக்கமும் ஆர்வமும் அறாமல் 

ஆர்ப்பரிப்பாய் அழகிய சிங்கமே 

இன்பத்தில் ஈர்க்கப்பட்டிருக்கிறோம் 

இலக்குமியுடன் இலக்கை அடைவிப்பாய் 

உண்மையில் ஊன்றியவனே உணர்வதும் 

உன்னையே உளருவதும் உன்னையே

கண்களால் கண்டருளினால் போதும் 

காணாத கானாம்ருதமே 

வந்தால் வருவாய் வராவிட்டாலும் வருவாய் 

வரம் தரும் வரதராஜன் நீ 

மண்டியிருக்கும் மயக்கத்தை 

மாயத்தால் மயக்கும் மாமாயன் நீ 

வேங்கடராமனும் நீயே வேங்கடக்ருஷ்ணனும் நீயே 

வேதமும் நீயே வேண்டுவதும் உன்னையே 

சங்கொடு சக்கரம் ஏந்தியவனே 

சங்கமித்திருப்பாய் சாகரமே 

திருத்திப்பணிகொண்டு 

திருவடியால் திருவருள்வாயே 

அடியேன் தாஸன் 

ASHTABUJA ANJANEYAR

ALMIGHTY

ஸ்ரீ ராமஜயம் 

எல்லாம் அவனே 

காலையும் நீயே மாலையும் நீயே காற்றும் நீயே கனலும் நீயே 
கடலும் நீயே ஆகாயமும் நீயே பூமியுமாய் ஆதாரமானாயே 

அலைகடலாய் பரந்தெங்கும் புரண்டு அலைமகளை மார்பில் 
அலங்கரித்து அர்ச்சாவதாரமாய் அவனியில் ஆர்ப்பரித்தாயே 

ஆணாய் பெண்ணாய் அலியாய் அதுவுமிதுமாய் எதுவுமாய் 
ஆதியாய் அந்தமாய் அனைத்திலும் அந்தர்யாமியாய் ஆனாயே 

ஓங்காரமான ஒன்றாய் இலக்குமியுடன் இரண்டாய் மும்மூர்த்திகளில் 
முதல்வனாய் நால்வேதமாய் பஞ்சபூதங்களை ஆள்வாயே 

அறுசுவையாய் நறுமணமாய் சப்தஸ்வரமாய் எழேழுலகத்திலும் 
எண்திசையிலும்  எப்பொழுதும் எல்லாமும் எய்வாயே 

அங்கிங்கெனாதபடி அனைத்தையும் கடந்து உள்ளிருந்து 
இல்லையை இல்லை செய்தாயே 

அரக்கனுக்கு அரசையீன்று ஆனையை காத்து பறவையை வைகுந்தத்தேத்தி 
அனைத்தையும் அனுக்ரஹிக்கும் கற்பகம் ஆனாயே 

பரியாய் வேதத்தை உபதேசித்து மீனாய் அதைக்காத்து ராமனாய் 
அதன்வழி நடந்து கண்ணனாய் கீதையை உரைத்தாயே 

அவதாரங்களால் அறிவுரைத்தும் அஞ்ஞானிகளாயிருக்கிறோம் 
அருள் கூர்ந்து குறையில்லா வாழ்வளிப்பாயே 

நரசிம்மன்